محظور .!!

ارسلت ( وينك ) .! ولا رديت لي وينك.
ماتدري انك جرحت الشوق والغيره.!!

دوّرت وينك في دفترك وعناوينك.
ولقيت قلبك ..... ختم للقلب تأشيره.!!

محظور ...! لو طوّلت مابيني وبينك.
بيهزك الشوق .! واللهفه مع الحيره.!!

قلبك حكمني وبايعته لجل عينك.
شعبٍ يحب الملك .... لو حب تغييره.!!

حكم الملك .. نفذّه سبابة ايمينك.
شرّد شعوب المشاعر خارج الديره.!!

ميّزت ديره زرعناها مع اسنينك.
وصديت عنها واقول بخاطري خيره.!!

هزيت قلبك وفاحت لي بساتينك.
ومن حبني عشت في دمه وتفكيره.!!

الذنب ذنبي زرعت الروح في طينك.
واللي جنيته.! شعورٍ صعب تعبيره.!!

عقب الغلا ذاق دمي حد سكينك.
شطرٍ ذبحني .! عليك اليوم تفسيره.!!