‎هلا بالبيوت اللي تقول انها الالماس - جندب المالكي

هلا مرحبا
‎هلا بالبيوت اللي تقول انها الالماس

بيوتاً تشوّق والمشاعر تحركها
‎بيوتاً صخرها الشاعر الواعي الحساس

سلالة رجالا مسلك الطيب مسلكها
‎ابن سيف عزوة من تعزوى نهار الياس

سليل الذي يحبك بيوته ويسبكها
‎ابن عايض اللي في بحور الشعر غطاس

سراج القصايد يوم تظلم حوالكها
‎قرينا بيوته في الدواوين والاطراس

بيوتاً على كل المعاني مفبركها
‎بيوتاً ليا غنا بها تطرب الجلاس

توحت لها ناساً وساعاً مداركها
‎عميد القصيد اللي لياهاض مايحتاس

‎يهز المحافل والقواصيد يربكها
‎وحييت يافواز يامبهم الاقواس

‎عداد الحجيج اللي تودي مناسكها
‎فيا مرحبا بك والمثايل لها مقياس

‎ومعنى القصيدة حسب قوة تماسكها
‎وبالفعل ماقلته زمرد مهو بنحاس

‎معاننا قليل امن الرجاجيل يدركها
‎ولا تصحب الغادر ولا تصحب الهلاس

‎خباث الهروج اللي عسى الرب يهلكها
‎فلا تصحب الا حازماً للخطر دواس

‎يضد الاعادي بالمعارك وينهكها
‎وختم الكلام ازكى التحيات يالقرناس

‎عداد الجمال الباركة في في مباركها
جندب المالكي

© 2024 - موقع الشعر