عيونك عن عيون الناس تكفيني - احمد الردعان

عقب ضيقة غيابك .. ردّت الانفاس
تلاشى حزن .. مستوطن شرايني

على موعد رجوعك .. جيتلك عساس
تسابق لك من الاشواق .. رجليني

اجيلك الف قيس .. بكامل الاحساس
مافكر بالف ليلى ، وانت مغنيني !

على جمر انتظارك .. لاطواني ياس
اقدّم ساعتي .. واقول : بتجيني

من اول ما التقيتك ، والحزن بنعاس
تجلّت فرحتي .. ببرز عناويني

ولا تسال عن اشواقي ! صعب تنقاس
جزال الشعر تصغر .. ماتوفيني

وش احلام القلم .. في غيبة القرطاس ؟
وش اهيامي بلا دبلتكْ .. بيديني

انا اشوفك بقلبي .. والنظر للناس
غرامك عاجزٍ لا اشوفه .. بعيني

ليا مني لقيتك ! ضاعوا الجلاس
وليا مني فقدتك .. عاد انا ويني

رغم كم المشاغل .. سيرتك الاساس
ليا صار الحكي مابيني وبيني

لك الله ماخذلتك ، واترك الوسواس
احبك وانت فيني .. كل مافيني

على قلبي تطمن .. لا تخاف الناس
عيونك عن عيون الناس .. تكفيني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر