قناعه حرّه

لـ ، ، في غير مُحدد

المنسابة: كتبت في 1437/3/26هـ

لا باس في تبديل بعض القناعات
درب الصواب العالم يدورونه
العقل له بأحداث الأيام بصمات
ومن ضاع عقله ماتدله عيونه
وكل ٍ من ابهامه لماضيه بصمات
عنه الأدله لبحثوا يعرفونه
وانا كتبت أبيات من فايت ٍ فات
عن الذي ماعاقني شي دونه
الفكر قبل البث ياخذ ابروفات
لين اعتمد واطلق أعنّة شجونه
وراحت مع اهل العرف صوله وجولات
والسر ماكل العرب يكشفونه
واليوم به تجديد عقب الدراسات
البيت عزه من تماسك ركونه
لو إن الاحياء بعضهم مثل الأموات
إلا ان فرق الحي . مايدفنونه
ودي على التغيير لكن هيهات
لعل وبل الناشيه يمدحونه
حتى لو يجينا من الوبل سوقات
عسى البدو بيت السعد يرفعونه
ان جيت اوضح ماتطيب العلاقات
الساتر الله والسلامه معونه
الجرح مايبرى بقولة سلامات
وإليا إلتأم في هرجهم يجرحونه
لا أحد ٍ يلوم الشاعر بنظم الابيات
ينقض فتل حبل ٍ قديمه منونه
حي ٍ معه طاريه مبطي . ولا مات
مِدرَك خفى . عن الذي يدركونه
قناعة ٍ حره . ولا تجلد الذات
والراس يسقط لا تراخت متونه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين