ساحة أفكاري

لـ سيف الهويملي، ، في غير مُحدد، آخر تحديث

ساحة أفكاري - سيف الهويملي

القلب ياريم تخضر بك مرابيعه
عن الظبا قفر ماطبه ياغير انتي

وطيور شعري تغرد لك سواجيعه
من يوم في ساحة افكاري تبينتي

طير الهوى حر . بالقمه مواقيعه
وانتي مليتي عيونه زين . من كنتي

وان شان وقتي وكثرن بي مراميعه
اجيك وألقاك لا من شان بي زنتي

يازين وجه اللقى من دون توديعه
يشرق صباحه فرح ولوصلك أعلنتي

من عقبها الفكر يبدأ في مشاريعه
ويصور الواقع اللي فيه ماخنتي

والهم جوارحي تسعى بتشييعه
وانتي لدفنه بلا توديعه . اعنتي

شعر الغزل والله انك من دوافيعه
لكن عليّه شوي شوي لاهنتي

لو كل وادي يفيض السيل مع ريعه
والله ما ابدّل الكمبود . بالكنتي

© 2024 - موقع الشعر