تومي بي الدنيا وصدري شمالي
واليوم صدري مثل صدر الجنوبي
وان كان ماتدري وش اللي جرالي
اعطيك نبذه بس . يمكن تنوبي
حاولت ابنقل ياكريم السبالي
عامين والثالث بهن امحسوبي
وقف لي اللي جعل ماله حلالي
ماباقي الا يبوق مافي جيوبي
والا من جيوبه يجيني ريالي
عني مقفّل عابرات الدروبي
ويقولها بالجهر ماهو مبالي
حوّل بها من فوق. لاتمرّ صوبي
وجيتك وانا من ضيقتي ضاق بالي
عليك . من ماصار منه. الهروبي
وانته ياابو فيصل سليل الرجالي
مثل الجبل فيك الذرى بالهبوبي
بعد نصيتك قلت ياطيب فالي
ماكنك الا من رجال الحروبي
طالبك تنقلني وتلقى بدالي
الناس واجد من شمال وجنوبي
بدّل على يمناك مُرّي. بحالي
عسى حسانك. في محل الذنوبي
واسلم. سلمت ودمت بآخر مقالي
ومثلك ياابو فيصل يحل الكروبي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين