عظيمة كبرياء

لـ شموخ شيهانة، ، في غير مُحدد، آخر تحديث

عظيمة كبرياء - شموخ شيهانة

انا صح اسمي شيهانة معاني ذكرها بي طاب ..
شموخ الروح ، سموٌ صعب .. والله ما تطولونه .

عظيمة كبريائي صعب يحطم كل شخص عاب ..
قوية باس لكني على الناخي انا بعونه ..

طموحي عالي بوصله ولو قلتو صعب ينجاب ..
نعم بوصل نعم بوصل ثقه ب اللي تعبدونه ..

لجل هذا انا حرّه وطبعٍ تعرفه ل عراب ..
وزاد الاسم بي حده / مزايا حرّ تعرفونه ..

فهمت الدرس من صغري عرفت ان الفعل غلاب ..
وحكايا الناس لازمها زوايا اهمال مركونه ..

وعرفت ان الصحب واجد ولكن قله الاصحاب ..
صداقتهم بصدق القلب /موقف ظرف مرهونه ..

وعرفت ان الحسد دايم يكنونه لي الاقراب ..
عيونٍ ترتجي ذلي / فشل روحي تمنونه ..

وعرفت ان البعض حكيه مثل سمٍ بناب الداب ..
نعم للصمت دام السم يموت ناس مغبونه ..

عظيمه روحي ماتعرف تسكر ل الامل ابواب ..
قويه ب اللي خالقها .. نعم ربي تعرفونه ..

لجل هذا انا قوه / طموحٍ مايجيه غياب ..
لان الله مسيرني ماهو قولٍ تقولونه ..

© 2024 - موقع الشعر