إلا واحــد

لـ دهن العود، ، في العتب والفراق، آخر تحديث

إلا واحــد - دهن العود

يا الاهي طالبك ثم ارتجيك
كل من نزل دموعي تعاقبه

إلا واحد يا منجي ملتجيك
طالبك لا تعذبه وتحاسبه

غالين يسوى عيوني بلا شريك
ما حد(ن) ياصل لحبه قاطبه

يسألوني هو شريك لوالديك
قلت احبه واعشقه واموت به

ليت موتي سابقك لارحم ابيك
ولا ذبحت القلب بيدك صالبه

ولا نحرت بداخلي طفل(ن) يبيك
ينتظر منك وعود(ن) كاذبه

خنت قلبي يوم قلبي محتويك
الغدر صاحبك وانته صاحبه

انت لوك قايل(ن) لا ما ابيك
دون غدر ودون ضيم(ن) شاربه

كان ما شق القهر صدري عليك
ولا بكيتك في خشوع الراهبه

ولا شهقتك حب مع هذي وذيك
ولا زفرتك عشق ناره لاهبه

ولا حشرت الصدر شوق(ن)يهتديك
ولا ضميتك فقد فيني ساكبه

ولا شكيتك للورق الله يهديك
دامها بيني وبينك خاربه

ما رحمة القلب يومه في يديك
الرجاوي في حضورك خايبه

انت بايعني وانا كيف اشتريك
شف جروحي من فعولك ناحبه

لا تجيني يا غلاي ولا اجيك
شف دموعي في عيوني رايبه

ما لك بجوفي عروق(ن) تشتهيك
دام حبي من حياتك شاطبه

حبك بصدري سحابه ترتويك
وحبي بصدره ضريحه ناصبه

المحبة ما تجي غصب(ن) عليك
لا هو غاصبني ولاني غاصبه

كل شي(ن) في حياتي يحتريك
حبي وشعري وروحي الغاربه

8 – 3 – 1437ه
© 2024 - موقع الشعر