حزين

حزين و الحزن ماله في حياتي طريق
احس في شي لكن ما اعرف اشرحه
 
حاولت و الوقت ما خلا لعمري بريق !
اكبر اماني حياتي .. ما ترك مطرحه
 
من كثر ما افكر بدنياي عيني تويق
يمر وجه الفرح .. حولي ولا افرحه !
 
اجلس لحالي اهوجس لين صدري يضيق
مافيه همٍ يمر غيري .. وَ لَا اسرحه
 
ماني بناقص مفارَق من حبيب و صديق
مابي علاقه جديده .. تبني الاضرحه
 
اصد لا ضاق صدري من سوايا رفيق
ما ودّي يْطيح من عيني .. و لا اجرحه
 
من قبل ياتي زفيرٍ ما يسابق شهيق
يارب لاضاق صدري بهالزمان إشرحه