يابنت لي كلمه .!!

يابنت .! بانت في شعورك علامات.
ترجمتها بالشعر ..... بيتٍ ورى بيت.!!

صحيح صارت في بيوتي خلافات.
فوضى حروف وجات من غير توقيت.!!

الصدر دانك بالقفا .... والملامات.
والعجز ..... وقّف مع دفاعه عفاريت.!!

عفريت ذكرى جاب عفريت ونّات.
وعفريت شوقٍ شب جوفي كباريت.!!

ثورة مشاعر رجّعت ماضياً فات.
وتكاثرت ....... لجل المشاعر توابيت.!!

مات الغلا والود.! والصد بالذات.
هو الوحيد اللي ربح كامل الصيت.!!

قلبك يحنّ.! وعايشٍ بين حسرات.
وقلبي ..... لو انه حنّ ماقال حنيت.!!

ياقلبها ..... دامك تطهّرت مرات.
يم الشمال ابسألك .... ليه صليت.!!

وشلون اعيشك بالهوى والملذات.
وانا من ادلال الوفا .... ماتقهويت.!!

كثرت ضحايا الحب لكن سلامات.
صديت عن طرد المقفين ... صديت.!!

لكن .. لو فكرت في ذلي اوقات.
تبطي ...... لو انك بالميانه تجريت.!!

اموت في عزي ولا قلت لك هات.
اموت .! ماتسمع عسى مني وليت.!!

يابنت لي كلمه على وجه الابيات.
مضمونها ... على الرجاء ماتربيت.!!