مرسالي .!!

الليل يحكي لي مشاوير الارواح.
بين الجفا والصد ... والود والشوق.!!

سوالفه ..! ما بالهوى قلب مرتاح.
اما احترق بالشوق والا امتلا فتوق.!!

يالايمين العاشق .. العشق ذبّاح.
واللي تولع .... عنده الفكر مسروق.!!

مسروق من قلبٍ تعلّق به وراح.
عايش مع التفكير بإسم الغلا فوق.!!

اليا حضر طاريه فاح الغلا فاح.
وجابت له الذكرى تصاوير مخلوق.!!

واليا ذكر صد الغلا جاه مجتاح.
حزنٍ دروبه بالجسم .. كلها اعروق.!!

يغليه .... لو ان القفا مابه ارباح.
ماغير حسره .! تِحرق الروح والموق.!!

الصد ... لو مايذبح القلب جرّاح.
لو العتب ....... بين المحبين مفهوق.!!

طاح الوصل والود للحين ماطاح.
وان طاح مات القلب بالهم والعوق.!!

ياليل مايكشف خفاياك مصباح.
مادام صدرك .. للعواشيق صندوق.!!

ياليل مرسالي يبي منه الايضاح.
ليش القفا .... بين المواليف مطلوق.!!

ياليل ... دقينا على وجه الالواح.
واللي كتبته .! بيت بالشوق مخنوق.!!

كم خانت الدمعه مناديل الافراح.
وكم خانت الشمعه مراسيل معشوق.!!

انشهد ان الشوق حرّاق الارواح.
وانشهد .. اني بين عايف ومحروق.!!