الوقـت

الوقت يامقسى عناه وعذابه "
" حطاب ليل وله معاوين وفزوع
 
 
احد (ن) منه يمكن يعالج صوابه "
" واحد (ن) يموت بعلته موت جربوع
 
 
يروح مثل مقاط محد (ن) درابه "
" لاحبل يرقى ولاصوت مسموع
 
 
بغى يجيب رشاه ورشاه جابه "
" من عالي الشفه على ضربه الكوع
 
 
هذاه مقاط اللى ارشاه التوابه "
" واصبح مثل للناس في كل موضوع
 
 
قصه مقاط وقصتى ماتشابه "
" اسباب وقت وكل قصه لها نوع
 
 
مقاط صفى في زمانه حسابه "
" وانا بلشت في وقت طامع ومطموع
 
 
كم واحد (ن) وقت اللزوم تهقابه "
" واليا نصيته غير الطبع بطبوع
 
 
والصاحب اللى صحبته ضحك نابه "
" يبينى ابقى له على الدوم مزروع
 
 
ان شاف وجهي قال يامرحبابه "
" وان غبت ينسانى على راس الاسبوع
 
 
واليا نسانى منهو حظره جنابه "
" انساه واجعل دونه الخط مقطوع
 
 
وعيب (ن) عليه كان طقيت بابه "
" لونى امسي بالخلا ميت (ن) جوع
 
 
من خلقه الدنيا تجوع الذيابه "
" بس المهم تعيش والراس مرفوع
 
 
وتكسب بعز النفس قدر ورحابه "
" وتمشى على خط (ن) سليم (ن) ومشروع