بين الوقـت عيبـك يازعيـم العيـوب - علي سالم

علي بن سالم العازمي
بين الوقت عيبك يازعيم العيوب

ياخساره بعدما ضاع كل تعبي
كنت صادق بحبي واثر حبك كذوب

لين من صدق حبي صرت مثلك غبي
جيتني بعد ماضاقت عليك الدروب

رحت مقفي عدي واليوم جيت تحبي
وش تبي لاتجيني رح مراح الهبوب

مات حبك بقلبي لاتجي وش تبي
انتهت بينناالنظره وحكي القلوب

صرت عني غريب وصرت عنك اجنبي
لوطريقك شمال انا طريقي جنوب

ولومطلبك غرب الشرق هومطلبي
من عرف مذهبه عن مذهبه مايتوب

وانت مذهبك ما يرتاح له مذهبي
لو لبست العواطف والاحاسيس ثوب

مستحيل انخدع واعود في مقلبي
وكل حرفٍٍ نطقته لك عليّ محسوب

وان تراجعت عن ماقلت قص شنبي
© 2024 - موقع الشعر