الشاعر / مدغم عبدالله السبيعي
راكب اللي لمشت ثم تنطحت الهبوب
كنها الطياره الميج عند أقلاعها
بنز ست أميه تجري على قطع الدروب
لا شراها راعي المعرفه ما باعها
للحضيني تحمل الصدق ما فيها كذوب
تحمل بيوت(ن) توسع صدر سماعها
يابن عاتق قالوا ان ازرق الماء مايروب
والسفينه تنتهى لو يطيح أشراعها
أعرف انك رجل بين الرجاجيل محسوب
لك فعول(ن) بالوفاء والكرم مرباعها
جتني أحسان القوافي تجي من كل صوب
والبيوت النازله خاطري ما طاعها
أشتكيلك قلب في حب خله ما يتوب
حظ(ن) أقشر واليالي أطرحت أقناعها
لا طرالي ياربح لج قلبي بالجنوب
لجته إجبال(ن) تلج بقنيب أسباعها
يالحضيني ما حد(ن) عن هواء بالي ينوب
ما درى أن النفس من سبته بأوجاعها
قبلاٍ حب اريش العين بالصدر الرحوب
وقبلاٍ حبي والامه عرفت أطباعها
هاضني طرق المعاني قبل وقت الغروب
ماضرب أسداسها وسط جوف أرباعها
محد(ن) في ردة الشعر ياربح مغصوب
ردها والا اربط قيادها بذراعها
ردود الشاعر / ربح بن عاتق الحضيني الدميني
مرحبا باللي كلامه نظيف من العيوب
عد ما هبت هبوب الصبا ذعذاها
مرحبابه ثانيه عد همال النصوب
من هواجيس(ن) تجيني وأعرف أبداعها
يوم شفت الخط والاسم فوقه قمت ألوب
فرحة(ن) باللي علاقتنا ما ضاعها
راكب اللي فل وآخر مديلات الجيوب
اربعه والفين وافخم جميع أنواعها
ما مشى الا الفين ما جاء كفراته ضروب
والضمان بداخل الدرج من صناعها
لا مشى يطوي المسافات قدمه طي ثو ب
ما شراه اللي فلوسه قليل أيداعها
يلفي اللي خابره في الرياجيل مهيوب
هيبته تحميه من نمرها وسباعها
يشتكيلي من هواء البيض ويقول مغلوب
والرجال اللي تبي فزعتي فزاعها
والله اني عن خويي ما افكر بالهروب
وقفتي مع وقفته لين تهدى أوضاعها
مستعد أفزع معك لشمال وللجنوب
مير ما وضحتلي عن دارها وأسناعها
المشاكل حلها بالتفاهم والسلوب
والعرب بالمعرفه تستطيع أقناعها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين