بديت باللي له عباده مصلين

لـ ، ، في غير مُحدد

المنسابة: حفل زفاف ابناء مطلق محمد الصواغ ( علي - عبدالرحمن )

بديت باللي له عباده مصلين
اللي فرض بالدين حكم الشريعه
يامرحبا تحيتن بالملايين
من شاعرٍ من هجس فكرٍ يذيعه
جينا نهنيكم ونبارك للاثنين
عسى الفرح دايم عليكم ربيعه
غالي يابو جاسم ولك ربع غالين
والوصل واجب بيننا مانبيعه
إلي الفخر بين الرجال العزيزين
اهل الكرم و أهل طعونٍ وسيعه
محمد زعيم الطيب ما قيل مسكين
له مجلسن عامر ونفسه مطيعه
من لابتن يوم اشهب الملح صعبين
على العدو مثل السباع المجيعه
ولا قصورن في القبايل وافين
ودون الحما تطلع رجالن شجيعه
حنا العوازم إليا عازمنا وصافين
الامر من شيخ القبيله نطيعه
امارت الجامع قديمه من سنين
شيخونا اللي ما خذوها بديعه
بأرض الكويت اللي تمد المساكين
عاشت شعوبٍ في بلدهم مجيعه
رمز البلد نمسح دموعه عن العين
يبكي عياله يوم شاف الفجيعه
رحوم في شعبه وبالله قويين
متكاتفين الشعب سنه وشيعه
صباح ابو ناصر على الراس والعين
نفديه بالأرواح وأمره نطيعه
ونواف ابو فيصل رجح بالموازين
حكامنا اللي في منازل رفيعه
حنا لها لا قالوا العلم علمين
اهل الكويت ابدمنا ما نبيعه
الها رجالً بالمواقف سلاطين
ال الصباح اهل الحصون المنيعه
يومنها شبت سنة عام تسعين
عدوهم ضاقت عليه الوسيعه
اعلن وقال اليوم مافيه بعدين
وضاق الفضا والضد ضيع شفيعه
وخليجنا واحد وحنا هل الدين
وعاداتنا ماتختلف والطبيعه
يوم الحزم سلمان دك المعادين
بصقور فوق المرسلات السريعه
جيش التحالف وقفوا مستعدين
بضربٍ على المخطي يشيب رضيعه
اقلوبهم وحده بفعل وبراهين
يشهد لهم تاريخ حرب الوديعه
يوم الحسم تمركزوا فالميادين
مدفع ودبابه جويدٍ صنيعه
ومن بان راسه جوه بالليل سارين
قضو عليه مطبقين الشريعه
نجمٍ مسلط فوق رؤس الشياطين
للخاين الغدار ضربه وجيعه
وأختم جوابي عد هتف الودادين
وعداد نبتن من جمال الطبيعه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر