سبحان من هوله عباده يركعون ويسجدون
اللي خلق سبع الاراضي عرضها مع طولها
والبارحه وانا من الحسات ضايق ومغبون
حست رفيق جات غصب اصبر واشيل احمولها
وقلت ادمح الزله على الطيب ومثلي يدمحون
واثر هجوسي طول ليل الله تدق اطبولها
وبغيت اقنعها وارجعها وقالت ماتهون
ترى القضيه قيد لبست ختمها وحجولها
ياكبر ضنك في رفيقك مير خابن الضنون
اثر العرب وقت اللوازم تختلف عن قولها
لو يعجبونك نص خلق الله ترا ماينفعون
تماغير شجرة حنظلن ماحدن جنا محصولها
وياكثر صدقان الرخاء لعلهم مايكثرون
اللي الياجات الشدايد ينتهي مفعولها
والمشكله وسط المجالس يذبحون ويصلخون
تسمع سوالفهم تهز الارض واللي حولها
وابشرك لو كبرت الدعوى على الطيب تهون
اهل الفعول اللي اليا قامت تعد افعولها
وانا خذيت من الحياه ادروس والكاين يكون
واحكم على العالم واخاطبها بقد اعقولها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين