البارحة هاجوس قلبي تحداه
وجاته جديدات المثايل سريعة
وماجور يا قلب تحرك من أقصاه
أونس من الحسات حسه شنيعة
من صاحب نفرح بشوفه وطرياه
وانشهد انه عندنا في الطليعة
وانشهد انه من هل الطيب والجاه
وانه شجيع ومن رجال شجيعة
لكن مدري وش حصله وش جاه
طبعه تغير واخلفته الطبيعة
وحنا رفيق الجنب ما نقصراخطاه
لكن مانرضى الخطا والهزيعة
ومن باعنا برخيص برخيص بعناه
واللي شرانا بالغلا مانبيعه
واللي نسانا لازم اليوم ننساه
والي قطعنا ماله الا القطيعة
وياصاحبي ان كان راحت مجازاه
اكتب وانا اكتب والمبادي رفيعة
وافرش فراش الحق والا فرشناه
واما تطيع الحق والا نطيعة
ونقفل الموضوع والأمر لله
والحكم لله ثم حكم الشريعة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.