الله يكثر خيركم ياهل الجود
ياللي على كسب الجميله حريصين
ياللي بذلتوا للوفا كل مجهود
لجل الوصاه اللي عليها موصين
من شايب طيبه بلا قيس وحدود
جعله جنان الخلد امين امين
وانا اشهد ان الفهد عقبله فهود
روس الحرار اللي سواة الشياهين
ما مات غالب كنه اليوم موجود
من بعد عقبله رجال موامين
من راس غالب جاك منصور وسعود
اللي عليهم ميزة الخلق والدين
وطيب عليه الله وخلق الله شهود
من ماضي الايام ماهو بذلحين
ولاهو بديعه طيبهم ورثة جدود
ورث الجدود اهل الوفا والقوانين
قلت الصحيح بدون نقص ولازود
وعبرت عما في ضميري ببيتين
قلته وانا مالي ورا القاف مقصود
الا التواصل مع رجال عزيزين
وصلاة ربي عد ماهبت النود
على رسول خاتم للنبيين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.