قلبـي اللـي

قلبي اللي لواه من الصواديف لاوي
جرّحته الليالي والحظوظ الرديّه

والله اني بوسط الناس كنّي خلاوي
من يلوم المفارق عقب فرقا خويّه

أشهد ان المفارق من عظيم البلاوي
مير هذا نصيبك يا العيون الشقيّه

أتجلّد وأقول إني على البعد قاوي
والله أعلم بقلب(ن) فيه الأشواق حيّه

كيف راحت يابوتركي حياتي شقاوي
وين درب السعاده والحياة الهنيّه

ليت لأهل الهوى والحب قاضي دعاوي
كان أداعي عيون اللي فراقه خطيّه

كنّي المبلي اللي قطّعته المكاوي
كل ماجظ بالونّات زادوه كيّه