اطق بالاصبع وواقف على ساق
وغيري يطيح ولاتشيله عظامه

وابحر مع الفكره على بيض الاوراق
حتى يجي للمفردات استقامه

ولاني بتباعن ولاني ابواق
شاعر ويعرف كيف يوزن كلامه

ويمكن يبور الذوق في بعض الاذواق
مع من لايشبه نظامي نظامه

الشعر ادب وشعور واخص الاخلاق
واللي بدون اخلاق وش هو مقامه

لو كان قال انه مخضرم وعملاق
الراس ماتزهاه غير العمامه

ياراكب اللي مطلبن كل سواق
من قبل لاتعرض عليه الاقامه

حلم الطموح ومنوه ال كل مشتاق
حتى الفقير اللي غني الكرامه

لكزز وصناعه من الخمر مافاق
يهودي(ن) مايعترف في عمامه

تكى وعمر والفكر صار منساق
حتى ابتكر من بعد زاد اهتمامه

كنه ملم بحال مثلي ليا ضاق
لامن حداه الضيق واسدى ضلامه

يضرم على السجه مثل ضرم الاشواق
على الحبيب اللي غشته الملامه

اليا مشى كنه على الطيب سباق
قرمن يمينه بالمزارق حزامه

ممشاه مايلحقك من بعده ارهاق
حتى ايش لو تبغى حدود المنامه

نقطع على دربه مشواير وافاق
الجيب يوم الجيب كله فخامه

من الحفر للعاصمه قبل الاشراق
وان قدر الله غير نصل بسلامه

ننصى الرفيق اللي للامداح فواق
الشيخ ابو تركي عدو الرخامه

المجد يقسمله مثل قسم الارزاق
لاوالله الا المجد ذروة سنامه

عوض عوض وان كان يبسن الارياق
عوضك بالوقفه بعزم وزعامه

وان كان للعرف الرياجيل تنساق
هو مصدر في كل قامه وهامه

يومن حال البعض ماهو بينطاق
للمصلحه كلن يلوح خطامه

ومدام للاحرار ماكر وميثاق
اقول طيري بالهوى ياحمامه

وراع الصفر دايم على الخير سباق
مايجذبه سرب السراب بهيامه

اقولها والفكر من بعد ماراق
عندي رساله ياوريث الشهامه

من شايبي يشكرك من كل الاعماق
ويرسل مع الشكر المكمل سلامه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر