يامطلق ابى اوصيك مني وصيه - فهيد قاعد القرفي

يامطلق ابى اوصيك مني وصيه
وصية تبقى مع التالين

الاوله يابوك في طاعة الله
لاتعارض الجهال والغاوين

والثانيه يابوك تعز جارك
وصوا عليه اهل التقى والدين

لاترافق اللى مايصلي صلاته
لاصد عنك يسار صد يمين

ولوطالت الاجال لازم تقصر
فكر 00 وينهم ربعنا الغالين

لابد من قبرٍ غويطٍ ظلامه
ويحط من فوق الطوالب طين

وصيةٍ من عودٍ مجرب وصايا
عند الخصايم لاتحلف الدين

لاتحسب ان المال يورد جنه
فيه شرهاةٍ تاليتها مين

خلك لربعك مثل حيدٍ نايف
مثل الحيا ترجع به المس سنين

ان جاك محتاجٍ فاقضوا حاجته
لابد مابعد العساره لين

وان جاك من العراف يبغى رايك
لاتاخذ الهريان اخذ سمين

انا ترى يابوك وصلت حدي
واخذت من فوق الثمانينات سنين

لا رحت اسير ماجيك بحاجه
واليا قعدت جريت لي ونين

© 2023 - موقع الشعر