تاج الوقار - احمد المنتشري

يأبوي يارمز الفخر والشهامه
يا فرحة ايامي ويا عِزّ من جاك

ياللي بك أسمي زايد ن باحترامه
مجلسك مابين الحنايا ومركاك

وياللي بك ايامي كساها ابتسامه
واللي لعمري شوفك اغلى هداياك

أنته وشاح الفخر وأنته وسامه
وأنته لراسي تاج ياعلني فداك

يا جعل ماصابك طهور وسلامة
يانوري الباقي بحكمة وصاياك

تسلم لنا / تاج الوقار / وسنامه
وسلامة انفاسك وشوفة محياك

ليت التعب عنك يجيني مضامه
واشيل ضيمك واتفدى حناياك

أبوي / يارمز الفخر والشهامه
يا جعلني فدوة يدينك وماطاك

© 2024 - موقع الشعر