وجيه الطيبين

الله يسعد لي../ وجيه الطيبين
اللي لهم بالقلب مرباع وقدر
 
اهل الوجيه البادية والمهتدين
الله يحفظكم لنا طول العمر
 
يا عزوتي اللي للمودة حافظين
مكانكم بالقلب يا حزام الظفر
 
رجال مبداكم على الفعل الثمين
فالورد ما يترك وراه الا العطر
 
احلامنا ركت على الضلع المتين
وايامنا عجله كما لمح البصر
 
لو كل منا يسأل العقل الفطين
وش خلف الانسان من بعده اثر
 
يا كود ماتخفي عن شماله يمين
تنفعه عند الله في يوم الحشر
 
فالله يجعلنا سوا من الغانمين
بالدين والدنيا وفي يوم المقر