التقييم
قالوا من إنته , قلت أنا عازف الناي
اللي عزف نايه على هجر خِلّه
والجرح ماقصر معي جّر صرناي
والهم وش زينه طواني بظلّه
والآااه لعروق الضما صار سقاي
قهوة تناهيد الصدر دون دلّه
فنجان حسره أشربه ماهو برضاي
غصبا ً على نفسي شربته بغلّه ؟
أجر صوتي بنغمة الآآآه والآآآي
والناي يبكيلي على كل شلّه
حتى البحر موجه يرددها ويياي
درب السعاده وين , أبغي أدلّه ؟
تعبت أعزف والصدى ترجم اشقاي
والناس تسمعني , تقول وااو فلّه ؟
محدن يحس باللي أعانيه , بخفاي
ياحيثهم , ما جربوا ,عوق , علّه ؟
ياللي سألتوني , أنا عازف الناي
مجروح من ناسه وقومه وخلّه !!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2017 - موقع الشعر