أحبك حب - محمود الشاهين

أحبك كثر ماغّرد على غصن الشجر عصفور
واحبك كثر ما شعري تلذذ فيه جمهوره
 
أحبك حب كل عاشق متّيم مبتلي مسحور
واحبك كثر ما يشكي جريح الحب بسطوره
 
أحبك كثر ما صُبحي يعانق شمسنا والنور
واحبك كثر ما ليلي يقَبّل وجنته نوره
 
أحبك كثر من يحسد واحبك كثر من مغرور
واحبك أكثر و اكثر ولو أشكي الهوى جوره
 
أحبك كثر من فارق حياته بالقبر محفور
واحبك كثر من باقي وحياته دوم مستوره
 
أحبك كثر من جايع وحاله بالحياه ميسور
واحبك كثر من زاده كثير وقلّب جدوره
 
أحبك كثر من خايف من اهوال الزمن مكسور
واحبك كثر من نفسه مع الاحباب مسروره
 
أحبك تعْرفي وشقد يحبك قلبي المجبور
يحبك كثر مايكفخ عجاج الموج ببحوره
 
أحبك كثر مالشاعر كتب شعره وله منشور
واحبك كثر ما طفل ٍ رسم بالوان طبشوره
 
تعالي واحسبي حبي وزيديهم دبل بشعور
بعد أكثر كثير أكثر حياتي فيك مسحوره
© 2024 - موقع الشعر