على الهامش

لـ محمد آل وافي، ، في غير مُحدد، آخر تحديث

على الهامش - محمد آل وافي

على هامش احلامه وقف حظ الفتى صامت
يراقب فيض وجدانه ويطمح يلمس احساسه

يرد الشان في بكرة وبكرة يضحك الشامت
تحرى ذا الزمن لكن زرع له ذا الزمن باسه

يهيم ويطلب الرحمة ظروفة ما بعد قامت
يبرر واقعة لكن عجز يتمالك انفاسه

تغربل واثر هالدنيا بوجهه ضاقت وغامت
و اذا نادى لها الفرحة تعثر دونها راسه

تغيب ويتظر لهفة متى ما اشتاقت وهامت
ويطرب لا لفت لحظة اعز و خير جلاسه

تعود يكبت الضيقة واذا شاف البشر نامت
يدندن دون ما يذكر شقاه ومُر هوجاسه

خذاك الموت يا حظٍ حراوية الألم دامت
خلاص الضيقة استشرت واحيت فيه وسواسه

ينادم طيفها دايم يأمّل خير لا حامت
ويرجع للوله عادي ويشهر فيه افلاسه

© 2024 - موقع الشعر