قم يامحمد يارجا كل الأمال

(قم يامحمد يارجا كل الأمال
خذ حامض الجابه وخل التفاصيل )

( وأعجل علي من أشقرالكيف فنجال
يطفي وهج بعض العنا والبهاذيل )

(والله ولي قلبا سرى فيه ولوال
خلاحشايه يامحمد مداهيل )

(أمسى يغني بي على كل منوال
وأمسيت أغني له بجزل التماثيل )

(ماهو عميلا له مقرن ومنزال
اللي تخفف منه بعض التعاليل )

(لا لا ه ما يرد الرها ماله احبال
ولاوصل نايم بحلم لتاويل)

(ليته لفاوالفجر بي ماأشعل اشعال
والله ما نسرى على الجدي واسهيل)

( لأطاك يابدرالدجا وأنته اهلال
وأسقيك يا الممحل صد وق االمخا ييل)

(وأني لورد كايده بحرالاهوال
لو مهدت له سابقات المراسيل )

(لكن أبى أ وصيك ياطيب الفال
فالصحبه اللي ساسها حال ومحيل)

(خلك من اللي للقسى يكنز المال
وأكنز لغدرات الليالي رياجيل)

(علاك كنز معرب الجد والخال
في ساعة الشدات تلقا حلا حيل)

(هذاك مالك يامحمد ليا مال
وقتك وحدنك صروفن مجاهيل)

(وأبعدعن الناس الرديه والانذال
صحباتهم مالك عليها معاويل)

(وايسل بك واد محل مابعد سال
واتشوف من سوداليالي التهاويل )

(دنياك مادامت لك الله على حال
أيامها دايم صدور ومقابيل)

(مافات فات ولو طرى لك على البال
ماينثي لو دمع عينك هماليل)

(هذا طريقا مر به كل رحال
ما انت الوحيد اللي جرى له غرابيل)

(لوبرقت لك بالوفا سرع ما زال
لا تأ من اللي بالمنايا محابيل)

(والعز دينك والصبر خير الاعمال
وأراد بفكرك صافيات المناهيل)

(الصدق هو ساس المكارم والافضال
أوصيك ابه هو ساس كل المحاصيل)

( أو جزت لك يابوك من بعض الامثال
مايهتوي للقاع كود المهابيل)

(وأزكى صلاته عد ماهل همال
وأعداد وبل في صدوق الشهاليل)

(على نبي صادق بكل ما قال
شفيع خلقه فوق كل التفاصيل