قم يامحمد دن حبرن وقرطاس

(قم يامحمد دن حبرن وقرطاس
لعلنا نبعد عن القلب خوفه)

(من لا برد كبد والارياق يباس
يشرب هماج ان ما رونه كفوفه)

(كل العنا يابوك وأعيون قرناس
وش عاد ممن ترتجي به مروفة)

(متى على الله ينتهي ليل جساس.
واللي زرع غرسه يحصل قطوفه)

(ياقلب ماكدرصفاالحب وسواس
اللي وكان له الفرج بالنكوفه)

(العين ماتخفي عن أحبابهاباس
والابتسامةماتزين كلوفه)

(ياصاحبي قدرك على العين والراس
وش الشعر؟بالله وهنده ونوفه )

(لا تحسب ان الشعر للحب مقياس
الشعر صوت القلب ساعة كسوفه)

(كله صدىاللوعةوخوفه من الياس
ماتدرك احساس المحبةوصوفه)

(والله ماهوداخل القلب نبراس.
ولاخلق سهم الوفافي ردوفه)

(وان جرفكري للشعرغصب هوجاس
ماكل مابالغصن ورقاهتوفه)

( لاوالذي شرفك عن كل الاجناس
مالي على الدنيابدونك حسوفه)

(ياكثرماشافت عيون من الناس
مامنهم اللي فز قلبي لشوفه)

(حبك جرى في دم قلبي والانفاس
والعين عن غيرك بشوفي عزوفه)

(لوماملكت القلب ياظبي الاطعاس
مااحدن سمع دقات قلبي بجوفه)

(يابعدمنزالك لواشي ودساس
والله حماه من الزمان وصروفه)

(واللي يناحر بالقناكل نسناس.
.تنكرعيون الناس كثرة وقوفه)

(والله لوان الشعر يوفي بالاحساس.
لصوغلك من دم قلبي حروفه