الشعر مثل سيفٍ في الوازم نسله
ولازم اليوم ما عنه جلوس وهواني
ياهجوسن على نظم الشعر مسفهله
جمليني مع الخوه ترا العمر فاني
الجمايل مع اهل الطيب مذهب ومله
مع هل الطيب تبقى لو يشين الزماني
الخوي الوفي طبع الوفاء عادتله
والله انه مبدا قبل ربع وعواني
ابو مفلح نهار الطيب حايزه كله
طيبٍ فيه تسمو طيبات المعاني
المراجل جبله والوفاء له جبله
سمعته مع هل الطولات تطلق لساني
عاشقٍ للمراجل لانها ما كرٍ له
تابعٍ درب ابوه و نزله في البياني
شايبٍ المراجل والكرم في محله
المدايح تنومس به عريب المجاني
من هل العزوه اللي كالجبال المظله
ال فهم الظفر مزبنة كل جاني
اهل نخوه واهل خيلٍ ورمحٍ وسله
ماذكر في مراجلهم ضعيف وجباني
وقحطان قحطان اصل العرب مستحله
هيبةٍ هيمنت عبر الزمن والمكاني
فعلٍ تثبته امجادهم بالادله
وذكر قحطان مع كل القبايل كفاني
وابو مفلح خويً والوفاء طابعٍ له
خوتك يانهار تزود لرجل شاني
عنك والله مغيب ولا تعذرت لله
والله اني لجي شرواك لو مادعاني
الف مبروك والافراح لك مستهله
وكل غالي حضر يهديك صدق تهاني
ذي شعورٍ من اللي طيب الذكر دله
في زواجك يباركلك بصدق الاماني
قالها سبيعي عند الخوي في محله
يلعب القزوعي في صف حفل قحطاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر