محاورة بين مفلح الثبيتي وعبدربه المنصوري

لـ ، ، في غير مُحدد، آخر تحديث :

السعيد اللي ليا قص بوردنق الوفاه
وأقلعت به رحلة الموت من ديرة ذويه
في رصيده كنز خيرٍ من كنوز الحياه
يدخله فالآخرة ضمن بيضان الوجيه
مفلح نجم
والتعيس اللي ليا قص بوردنق العصاه
واقعلت به رحلة الغي والعقل السفيه
في رصيده كنز شر(ن) من كنوز الغواه
يدخله فالنار ما ينفعه امه وابيه
عبدربه المنصوري
والمسوف دايم يقول ياعل وعساه
انتبه للقول ياصاحب العقل النبيه
من يقدم خير ياصاحبي حتما لقاه
ومن يقدم شر فالشر لزما يحتريه
مفلح
ودي اصدقك مار البﻻ تحت الحصاه
وانت رجالن مفوه وقربك نشتريه
ودنا بالجنه وربي ندور رضاه
ابتﻻنا ابليس يالله يالله تبتليه
عبربه
القدر ياصاحبي مانبى نكشف غطاه
ورحمة الله واسعه فاز منهو يرتجيه
لاتطيع ابليس خلك على نهج الرواه
واحذر احذر لاتفوه على العرض النزيه
مفلح
القدر مكتوب ماهو على الكيف وهواه
وماحدن يبكي على من صفق خده يديه
انت لك خبره مع ابليس واسرار الدهاه
علم النا كيف نقدر عليه ونحتويه
عبدربه
المريض اليا تعب ماله الا من كواه
الكوايا بلسمه بعد عجز الطب فيه
جنب ادروبه ترى مامعه غير العصاه
مابقي لك شى والله والعمر اشتريه
مفلح
ابك انا عود بدوين ومن بدو(ن) حفاه
وين ماناظ.. الحيا قبل مايقفي نجيه
ماعرفت من الحضاره سوى حلب الشياه
وان نزلنا شعب نحلف عﻻه ونحتميه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر