قبر راعي الجود

ياهاجسيّ مع هبوب النود
قرطاس غيمي برق حِبره
 
ليالي البيض صارت سود
وآكثر مشاويرنا غبره
 
سلامة ٍ ماوراها فود
فزعة فقيرٍ قِصر شبره
 
في ذا الزمن قلّ راع الجود
والطيّب ان زل شِهّربه
 
والورع كذّب علوم العود
مكنسل ٍواقع الخِبره
 
عوايد الهجري المولود
ميلاد للضيق والعِبره
 
هذاّ قليلٍ من الموجود
المجتمع خيط بلا إبره
 
حتى على عزلتي محسود
من عذري متغيّر النبره
 
سعيد/سعدون/سعد/سعود
يبطون مانزلّوا العبره
 
ياما مصادير جتني ورود
وأسامح العظم و الهبره
 
أنا أدري إن الصبر محمود
ولاخاب من طوّل بصبره
 
لو ينقص الحظ ولا يزود
الكسر يلقى ترى جبره
 
لكن بعض العرب نمرود
يحفر قبرك قبل قبره