ماتغيّر وأنت غالي

لـ إبراهيم محمد البجيدي، ، في غير مُحدد، آخر تحديث

ماتغيّر وأنت غالي - إبراهيم محمد البجيدي

عن نهاري كل ما ميّل ظلالي
متولّم مع مغيب الشمس إلها
 
هاجسٍ محتلّني دايم لحالي
ماهو بقيس ٍ ل ليلى يمتثلها
 
بندقي نيشان شرٌدها الجزالي
صيدها بالفكر ماغيري ختلها
 
ذايق ٍ مر الهجر والوصل حالي
والنفوس الصادقه للطيب ولهى
 
عن خفاف حمولها شلت الثقالي
والحمول الكايده تلقى جملها
 
جرّة المبعد على قاع الموالي
الرضى بخروجها يكفي زعلها
 
ماجحدنا لا رشيدي ولا رمالي
كانها بخيامها ولا فللها
 
كل عد ٍ ماقصر دونه حبالي
والنياق ارقابها ماحد ٍعدلها
 
التجارب هي جوابٍ للسؤالي
كانك مجرّب قبل ماقلت قلها
 
الكرامة يالبناخي راس مالي
والمذلة عيشةٍ تنكب دوْلها
 
وقسوة التفكير في أول وتالي
العقول النيّره خلّت جهلها
 
من قرادتنا مع سود الليالي
علّمتنا ان الشلل تنكب شللها
 
المواكر عزّها روس الطوالي
والمناحل رزقها يندى عسلها
 
واكثر الاشياء الغريبة ماتقالي
غير للي ناقته عندك عقلها
 
المجامل منهجه ماهو مجالي
وجه الابيض غصب ملّ وجيه ملهى
 
عين شرهة ضيقته صدر الشمالي
الجنوبي حظ عينه لاكحلها
 
كثروا اصحابي قبل عمي وخالي
وبالشدايد عاضني ربك بدلها
 
والله اني ما تغيّر وانت غالي
مير سلّم لي على الدنيا واهلها
© 2024 - موقع الشعر