موجز نشرة الخوه

لـ إبراهيم محمد البجيدي، ، في غير مُحدد، آخر تحديث

موجز نشرة الخوه - إبراهيم محمد البجيدي

احد ٍ يطيب لك جوه لارتفع به فوق
يقال ماشاءالله ابن مهيد للساري
 
تصنّعه شي عادي مثل سوم السوق
يجيبه غليص ويحده على مكاري
 
وليا انتهى معدل علاجه غدا غرنوق
يصير مثل التقاطع ياقف اجباري
 
واحد ٍعلى الطايله كنه لها مخلوق
يارد لها مثل سبع النايف الضاري
 
طريق وضح النقى لاستاقه الطاروق
مايجهل بجملة الاعراب مقداري
 
ياعاشقين الصراحه جالها معشوق
لا خيرها مشعل ، ولا شرّها مشاري
 
لاني مع اهل الوفاء وافي عهد مابوق
في نشرة الخوه اسمع موجز اخباري
 
بالوقفه اللي بها من الريق نشْف حلوق
ثوب الصعيبه ماضيّق فكة زراري
 
 
مخيل فزعات الاصحاب برعد وبروق
رجل ورد جمّها ، ورجل لها مباري
 
الناس تفرق بها السابق من المسبوق
والفايز اللي بصكات الزمن داري
 
سود الليالي لو انها تتسّع بتضوق
لابد ماتضمر ويجري بها جاري
 
خطامها قاد هرشٍ من خيار الهوق
للجمه الضحله ام الطين صدّاري
 
هذا وعرف الاوادم تحت ولا فوق
للهينه هيّن و للطيّبه شاري
 
وانا اشهد انه عن الجزله ماهو مفهوق
من تسبق أقواله فعوله ولايماري
© 2024 - موقع الشعر