قال الفراق الحل .. ببعد وبرحل - أحمد العولقي

لا بارك الله بالهوى أينما حل
ولا حل ربي منهو فكر يصونه

مثله أناني لا اكتفى حب يرحل
تارك وراه انسان خابت ظنونه

رسم عليه احلام وامال ما مل
علق عليه الأمنيات الحنونه

استأمنه من جور الأيام والذل
واعطاه قلبٍ كلهم يعشقونه

مع ذا شراه وباع من أجله الكل
واقفى عشانه بوجه منهم يبونه

ولما لقاني في محبته مختل
وادرك بإن مالي عيشه بدونه

أظهر لي عكس اللي تعودته أول
وتلاشى معلم البراءه ب عيونه

لو ما سألت عنْه ما جا بيسأل
والعذر دايم .. الأهل ياخذونه ..

صدقت كذبه واعتبرني مغفل
لأن المحب بالحب تعمى عيونه

ولما نهيته وقلت ما يصير يا خل
قلبٍ يحبك .. لا تزيد ب طعونه

تعبت حيل أتوسّلك هات لي حل
ما عاد قلبي يقوى منك تخونه ..

قال الفراق الحل .. ببعد وبرحل
وانسى الغرام جمعنا بكونه

أقفى .. وترك بداخلي شيخ أرمل
فقد .. عشان الحب من يسندونه ..

لا بارك الله في الهوى أينما حل
واللي انجرح يا خالقي كُن ب عونه

© 2024 - موقع الشعر