العلم خذ علم

العلم خذ علم لا تتنشّد علومي
أنا أنا ماجد و جودي بمجهودي
 
أنسان عادي ولكن مالي هدومي
واثق بأنه جَنى يمناي من جودي
 
أخنع نظر للمعالي من تحَت يومي
واتجنّب الغطرسة لا تقرب حّدودي
 
أرقب سما العالية في أبعد نجومي
واختال بين النوايف وارعد رعودي
 
ياللي تنشّد عن احوالي مع سّلومي
من هالبشر ما أزيد و لا فَرَقْ عُودي
 
حْب المخاليق هو طبعي و مفهومي
قلبي جميع البشر يهديهم ورودي
 
الطيب من مارده نبعي و زمزومي
والحب فيني نبت جودي على مودي
 
أشحذ همم حبّكم و تقوّي عزومي
و راقى بكم للسمى واخلاقي شّهودي
 
وان جات بالقَبْيَلة يالقَبْيَلة قُوُمي
بين التفاخر معي بيرق و بارودي
 
قحطان صلبي و راس النايفة قوْمي
جحَدر بن سّحيم ساسي واكبر جدودي
 
للصيت جينا صقيل سيوفنا يُومي
نملا الأماكن سموّ سعودي سعودي