أستغرق اشواقي

خذ لك من اعماق المشاريه فنجال
واقدع سؤال اللي يناديك ... وينك؟

وينك تعال وشوفها عبقك الحال
شف حالتي يا نون عيني بعينك

وينك تشوف اللي هفت فيه الأحوال
وقلبه وروحة بالعمر فدوتينك

خذ روح روحي كلها عشق واختال
والتم قلبي بينهم راحتينك

واستغرق اشواقي و سُهدي والآمال
واسرح معاي وضمّني في يدينك

وادهل خفوق اللي لك اشواقه هّبال
واكبح جمااااح اعماقي وّ وفّ دينك

خطط كياني وادهله طيب منزال
وامرح بعيني واغفني وسط عينك

داو المشاعر ب اشربك عشق زلاّل
ب ادله على شاطيك بينك وبينك

ثم امطر اعماقي من الحب همّال
واملى كياني من وَهَج نجلتينك

واتبختر بوجدي لو الوجد قتّال
واشبَع قتيلك دام عمره رهينك

وارشف من اعماق المشاريه فنجال
واقدع شجون اللي يناديك ..... وينك ؟

ماجد بن رتيق