سلطان الشوق أســــرار حزنه لا لا تفشّيـهـا

أمانه يابحر لاجيت اِلك شاكي العناء واليآس
سلطان الشوق أسّرار حزنه لا تفشّيها

أخاف الناس تسّمع بإنكساره وينشغل بالناس
وهو ماله غير يسكب الدمعه ويخفّيها

تعبت من الحزن والحزن سبب هالمرض والبأس
تعبت وأنا اكتب اشعَّاري والحزن ساّس بانيها

ليه الحزن يكسرني وأنا أوّل شديد البآس
وليه الشوق يحرقني لأجل هنوف أَناديها

تعالي مابقى لأهل السّهر لزمه ولا جلاّس
وأنا اللي كنت أناديها و كنّ مٰناديها

يموت الحب في ظلّ الغياب وخافقي مقياس
على كثر الوفاء به مالقى ذكرا يخلّيها

يبحّ الصوت وتتكوّم على اشفاهي سموم أنفاس
وأموت امن الظماء لكن روحي وش بيرويها

فمان الله يالحب القديم اللي بدون اِقياس
ماعاد النفس تقوى صدّة المقفي وناسيها

فمان الجرح وإدموع الحزن ووالخاطر الحسّاس
فمان الحلم وطيوف السهر والناس يكفيها

فمان الله ي اللي خلتني اتبع الهوجاس
فمان الله ياشمس هالدنيا واجمل منَ سكن فيها

نهاية حبنا ليله غريبه ماغشاها انعاس
وبداية حبنا كانت نهاية حلم تغريها

فمان الله يالحلم الجميل وخلّني ياليآس
أذوق الجرح من ذيك السنين وحلو ماضيها.