رد سلطان الشوق لـ مشاعل الشوق

لـ سلطان عتيق الحربي، ، في غير مُحدد، آخر تحديث

رد سلطان الشوق لـ مشاعل الشوق - سلطان عتيق الحربي

الله ولا خوة عديمين الأخلاق
الي مصالحهم تجي فالصداره

ان قلت لي مذهب على الطيب ينساق
زادوا تطفلهم وزادوا عياره

خطواتهم بالشر عجلات وسباق
وان جاء مجال الطيب مامن شطاره

وان زدت بالمعروف زادوني احراق
وأنا لحبل الوصل ما أبغى دماره

نجمي مع أهل الطيب ساطع وبراق
يوم الردي نجمه غدى عن مساره

شمس الردي تبطي ولا جالها اشراق
واذى الردي يلحق ولو هو بداره

يالله يالي للمخاليق رٌزاق
تبعد طريقي عن رفيق الخساره

عزالله اشهد يامشاعل بالافاق
نجمك سطع بالطيب عز واماره

واهل الردى دايم على الطاق طرباق
الطق مايخطي وجيه القشاره

شهب الوجيه اللي على كذب ونفاق
لاشيمةٍ فيهم ولابه نعاره

كل فعل بيّن .. بالوجيه وبالاحداق
يعكس على راعيه ابلغ شعاره

ملا يعز الروح لذل تواق
وابليس مايخفا ولو بالعباره

وانتي عزيزة نفس من ساس الاعماق
ماغرنا بالطيب لابس خماره

لو المشاعر والاحاسيس تشتاق
عقلك على قلبك مصدر قراره

والنعم .. يابلغ من نقا بيض الاوراق
وانقا وانزه من عفاف الطهاره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر