انا الغرام - سلطان عتيق الحربي

يسعد مسا اللي لاتكلمت وياه
من غير ماشكي له يقول انت وش فيك ؟!

وارد مافيني ابد ..غير '' هال آآآه ''
تتنهد بصدر الغلا كان يرضيك

ويرد جعله يوم من فيك يرضاه
فيني ولافيك انت ياروح مغليك

كل الجروح وهم عمرك لي ابغاه
بس انت فيني بالغزل لا اوصيك

يامن وفا بالعشق والشوق معناه
ولعتني واغريتني في معانيك

لاتنشغل بالهم خل المعاناه
وامطرني بنبض الغزل في قوافيك

انا الغرام اللي خفوقك تمناه
وانا الجنون اللي من الشوق يرويك

بالعمر عشقك من تمناه مارواه
يغرق في بحرك كل من طمع فيك

© 2022 - موقع الشعر