رخص البضايع

ودعكْ غيث العز .. معلن ذبولك
ماعاد لك بارض المفاخر .. مِداين

رخصٍ .. جعل منهو سعالك ينولك
عندي حشا لله .. ماهو ب هاين

صدّي عن اللي للغوا .. صفقولك
اخذي حكي قلبٍ عدو الضغاين

بالعين قدرك ( مرتبط ) في فعولك
ماهو بكم شالت .. صدور الخزاين

عن الردى .. لو ماتردك اصولك
ماعاد ينفع فيك .. نصحٍ وراين

فرحانه ان الكل .. يقدر يطولك
فعلاً عليك الرخص يابنت .. باين

لا تفرحين بلمّة الناس .. حولك
رخص البضايع .. يجْلب اكثر زباين !