وصية رحم

ياللي على موتي وقبري تباكون
وين الوصل يومنّها الروح حيّه

ذا الحين فات الفوت والجسم مدفون
والروح عادت يم رب البريّه

ياما رجيت وصحت يا عيال تكفون
تكفون يالغالين مروا عليّه

وأنتم لا مريتوا وعليّ ما تردون
ابليس قايدكم على كل سيّه

الموت حق وحقي للروح تدعون
بالمغفره وارض الجنان العليّه

وتصدقوا عن ميتٍ مات مغبون
من حرةٍ بالجوف جدْت بكيّه

قلبي مسامح ياعساكم تهنون
حللتكم ياعيالي وقت المنيّه

ووصيتي عن بعضكم لاتخلون
ولاينقطع رحم الخوي عن خويّه