كنز السعاده

هذي بلاد المصطفى خاتم جميع الانبيا
سيّد عيال ادم وحوّا مايجي بعده نبي

هذي مدينة سيّد الثقلين حب الاتقيا
تلقابها ياطالب الامجاد كل اللي تبي

شبّهت نفعك يالمدينه مثل همّال الحيا
لابلل عروق الضوامي صار شايبها صبي

الياوصفت بمعرفه وليامدحت ابلا ريا
في طيبه اللحظه تعادل قرن كامل في دبي

يكفيك فيها كنز لو يدرون عنه الاثريا
تسابقوا عليه ذا يمشي وذا يحبي حبي

كنز السعاده مكسب خيار العباد الاقويا
قوّة ثقه وايمان مافيها تعصّب مذهبي

فيها علاج الضيقه اللي خلّت البعض اشقيا
فيها يطيب الخاطر المجروح وابليس يهبي

اي والله اعشقها وانا عشقي ماهو عشق اغبيا
يامعشر العشّاق بعض العشق ماهو مطلبي

غير الغرام المشتبه يوجد غرام الابريا
لكن غرام الابريا مافيه سلب ولاسبي