همس الغلا

الحب لامنّه تمكّن من القلب
ماينمحي لو حاول القلب يمحى

ياللي سلبت القلب من صاحبه سلب
حضّرت عيد الفطر مع عيد الاضحى

همس الغلا ناعم وسور الجفا صلب
والبطش حيد جدار والرفق بطحا

بين الصداقه والمخاسير والغلب
مثل العلاقه بين عرعر ورفحا

لاتسمع اللي يقلب السالفه قلب
لو تنتحي رجليه مع كل منحى

واللي سحابه فوق لو ينبحه كلب
عزيز لو امسى معاديه واضحى

قلبٍ يحبّك لو جلبت الخطر جلب
ماتنقلب وضحى نواياه ملحا