يامل قلبٍ يضيق وتكثر اوجاعه

يامل قلبن يضيق وتكثر اوجاعه
من علةٍ فيه قام يذوق وجعتها
 
اسهرت عيني واشوف الناس هجاعه
في ساعةٍ كل خلق الله بهجعتها
 
سجيت رجلي وقلبي لايعن لاعه
والناس مثلي هموم القلب لاعتها
 
والضيقه اللي تمر الصدر في ساعه
لا بارك الله فالضيقه وساعتها
 
الناس مابين قنّاعه وطمّاعه
وقناعة النفس ماهي مثل طمعتها
 
من يبغي العز قالو يرفع شراعه
ومن له قبيله يكافح لجل سمعتها
 
ومن يزهم عيال عمه جوه فزاعه
له عزوة لو يضيق اتبين فزعتها
 
ومن لا تسنّع يجونه ناس سنّاعه
يلقى السنع ويتسنع عقب صفعتها
 
واللي اذانيه لزلات سمّاعه
فرق مجاميع قومن عقب جمعتها
 
نقّالت الهرج بالشينات طوّاعه
وابليس يامر على الشينه بطاعتها