خصيم النفس

ِهب ياذعذاع ليلٍ شع نوره
هَب والا السابقه تطلع بيدها

مهرة اللي من تسابقه معثوره
ساعةٍمايحسب لساعه بعدها

لاقعدمن حده الحادي بجوره
تفهقه عن مايوطيها جهدها

لادعاها ماقفٍ واجب حضوره
ماتغر اللي تحرى في وعدها

ماهي اللي مادها حوره ودوره
من ركبها بالبلد سمّي ولدها

وهقه من يسمع إن الارض كوره
وامتحن وجه البسيطه واجتلدها

ماتقل بيدا ولاتقل معموره
ياتوسق في ظهرها يااطّردها

مارلوهي من حلاله ومخبوره
ان صرفهاشيك وان عد ونقدها

كل عين تناظر الموقف بصوره
لوتلوق بعين الاخرى تنتقدها

من تمايل عن شداده طاح كوره
ومن تهاون بالطويلة ماصعدها

والزمن من يطّلع عن غيب اموره
والحياه اللي شمتها ماحمدها

ياخصيم النفس لاجتك المشوره
خوذ منها مايفيدك واعتمدها

خل وقتٍ شرخلقه من دبوره
من يعز النفس بالماقف وجدها