لفتة نظر

الله يبيح اللي علي اخطو خطا والله يبيح
نفسي من التقصير لاتجزى بسو اعمالها

والله يبيض وجه من يتعب على كسب المديح
والله يجملنا لاقلنا المعضله حنا لها

ماكل من حب الظهور الياظهر وجهه مليح
كم واحدٍ له طلعةٍ فال الله ولا فالها

لمن طلعت اطلع جبل واصمد لياهزتك ريح
واحسب حساب المده اللي ناقصٍ مكيالها

والاّ ترى ماكل يومٍ والفضاء قدمك فسيح
والناس ماترخص لحد يشرب كذا فنجالها

كثر المعارف حدرها خطين يالوجه البجيح
بعض التبجّح يكشف اللي ساتر الله حالها

تبي تصيح من القساء والا تنادي من يصيح
ولاتقول ان المزيني بدر ماقد قالها

كلمه صريحه ماعلى وجه البسيطه مستريح
ان كان تفهمها كذا والا تروح بفالها

والله مابغى الطعنه اللي تلحق بعمر الجريح
رمحي لياقالوا ظهور الخيل ياخيالها

هكالنهارتشوفني وان غبة ياغيبة قريح
تشهدفعولي وقفة رجالٍ طوال حبالها

هذي ترى لفتة نظر لكن تجود لاتطيح
مابعدها الا ناوةٍ رز الرعد بخيالها