طي الورق - بدر غريب المزيني

خلاص يالماضي ابطويك طي الورَق
واحطك بظرف واشمّعك واقفلك

وراك سقت القدم لين الطريق افترَق
اللي صفالي كفى واللي هفى هف لك

خيّلت نوٍ من المنشا خياله برَق
كنّه ليا رفّ برقه قال انا ارفّ لك

ماكن عيني شعاها برق والا طرَق
مسامعي يوم صوته رز وش غفّلك ؟

قلت الله اكبر ترانا مانعيش بدرَق
قال الله الله تراني خايف اجفّلك

قلت ايه نفرق وربي بين خلقه فرَق
ولاانته حدا والديني مايقال اف لك

لايغرّك الوقت لوجاله بوجهي حرَق
ماجت عبث ياثقيل الوزن ماخف لك

مادام لي وجه يندى بالمواقف عرَق
غير الجزيله من الاخبار مازف لك

لو كان بالعين سال النوم والاسرَق
اللي صفالي كفى واللي هفى هف لك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر