معاهِ الِّلي يقولَّه صِّدْ..

كِل مااشُوفِ شَيٍ لَه أقُول ياحلِيلَه يَاعُمْري
قُوي قَلْبَه وإحْسَاسَه ولا قَدِّ الضُّمَا يَضْمِي

حَسَبْتِ الطِّيبِّ كِلِّ النَاس لِقِيتِ الطِّيبِ مايَشْرِي
حَسَبْتِ انِّ الحَياةِ انْسان وحِلْمه لاعَشَقْ يَنْمِي

رَأِيتِ الوقتِ عَكْسِي راح ولايَحْمِيني مِنْ عذْري
ولايَشْفَعْ تَعَبْ ضَحِّيت ولا يِقْوى يِجِي يَمِّي

قِصَايد مِنْ كِتَبْها ارْتَاح وانَا ماارْتَحْتِ من عمري
قِصيده تِنْكِتِب لِليل وتالي اللي انْكِتب مَعْمِي

مَعَاهِ الِّلي يِقُولَّه صِّدْ وانَا ياوِحْدِتِي مَدْري
أَحِّطِّ العلْقَمِ بكِلْ يَدْ ..!؟ويلاَّ امُوتَها وَهْمِي

أَشِّدِّ بكِلْ غَطَاةَ العِين قَبِل لاتَبْكِي مِنْ يَدْري
يِسَلِّمْكِ الولَه لِلْغيم وعلى هَاالغيمه مايَهْمي

أَلاَ يَاكِيفِ لِلأَيَّام تِعَدِّي بصَدْرَها ذِكْري
ولاتَحْسِبْ لِعُمْري يُوم ولا يَحْزِنْها من هَمِّي

وُجُودِي للأَسَفْ حَيْران بَسِّ الحُّبِ ذَا جمْري
لو انَّه يِحْترقْنِي فِيه أنَا من فِيهِ لو يَرْمي

أنا ادْعِي ربِّي يعْطِيني قُواهُ وبَاسَه بقدْرِي
وانَا اخلِّيه لو وِدَّه لو انَّه يَمْهِلُ ويَدْمِي

وِشْ آخِذْ مِنْ عَطَا الدِّنيا سَلامَه كَافِي بصَدْرِي
بَاهَدِّي قَلْبي لجُوفِي واخَبِّي دَمْعِتِي بعَظْمِي