الدنيا العجيبة

درت بالدنيا العجيبه ومن عجايبها نحلت
شفت فيها اللي يسر واللي يبكيني نحيبه

عشت فيها كالغريب اللي مفارقها بصمت
منتظر لحظه بلحظه كيف يكسبها بجيبه

كم توقعته وربي قد تحقق ماحلمت
وكل ماشفته بخيالي بالسهوله أقدر اجيبه

مادريت أنه وربي كلها أضغاثً ملكت
من حياتي اللي وربي صارت بعيني كئيبه

رغم كل اللي أشوفه في حياتي ما أنهزمت
الصبر دايم حليفي ماشكى لحظه بنصيبه

والله أني فوق حملي قد تعنيت وحملت
كل ماأطلع من مصيبه ترتمي بحضني مصيبه

شابت أحلامً براسي والشعر طاح أن مسكت
وخلف صدري شاب قلبي وبالجسم باين مشيبه