فديت كلك

لـ ماجد الزيد الخالدي، ، في غير مُحدد، آخر تحديث

فديت كلك - ماجد الزيد الخالدي

كانك شحيحٍ بالمحبة والاشواق
ويش العمل بالله لأضناني الشوق

عجيب كيف آجيك شفق ٍ ومشتاق
وأعجب فلا حسّيت ! ياقمة الذوق

صدري محلّك والحنايا لك رواق
شقق رواق البيت كان أنْك مخنوق

فداك يا ماخذ خفوقي ومنساق
لكن ليا عزّمت ، فرقاي / برفوق

يا والله اللي كل ما التم الاشفاق
خفت الفراق وجيت بالهم مصفوق

لا تطري الفرقى لعن جدّ الفراق
عقب العمى وش لي بسلاماته الموق

بيني وبينك عشرة وخير ما لاق
واللي بغلاة الروح / أولى بالحقوق

حقّي عليك انّك معي كل برّاق
وحقك علي كل الوفي ناحر البوق

يا اقرب من عروقي وهي وسط خفّاق
ويا اغلى علي من روح ٍ لقربك ٌ(ا)تّوق

كان الغلا ذنبي عسى مالي فواق
وكان الوفا دمّي ، جرى فيك يا عروق

اليا عطيت فخافقك عذب لا راق
وليا زعلت اخلاق هادي ومرموق

مالك شبيه إلا أنت واحساسك عناق
هاتك هوا صافي فلا آبيه مسروق

لو بحت حبّك للملا مابقى نفاق
ولو قطّر ببحر العرب نبّت عذوق

يا صبحي الوارف وللنور شعّاق
يا ازكى عبيرن ليّن بمسك مرفوق

أشره عليك حروف وآعنّي الساق
كن الكنين من التجاويف منتوق

صبحي حرام انه بلياك منعاق
وليلي حرام انّه بلياك محروق

ماني باسير القيد طلّاب الإعتاق
إلا أنت جنّاتي ولعيونك آتوق

وجهك فجر ما خالطه لون غسّاق
وقلبك طهر ما خالط الذنب مملوق

صوتك عسل صافي ونا سمع ذوّاق
غرّد ..?فَ?ّديتك?.. خل هالعالم يروق

حسنك على كل الرعابيب قد فاق
وزود ٍ على حسنك بك العز مسيوق

خمرة عيونك زادها خمر الارياق
صبّ الثنايا اللي تقل لون غرنوق

العنق والعاتق مثل بيض الاوراق
وكن العروق عويد ريحان مدقوق

ياعين حر ولا خلط صبحه نتاق
إلا عيون ٍ حاسرة كل ملحوق

قسم الدلال إن نسّبوها للعراق
مربوبة ٍ ماهي على ايدين مخلوق

الله عطاك وصوف ملها بالأفاق
حشمة كنينك, كلها وسط صندوق

ياحور يانور السماوات ياشراق
قلبي عليك من الوله يخفق خفوق

صافي عشيرن بالغلا جاك مشتاق
روحه فداك وصح لك كل منطوق

جمّ الغلا قلبه ومنْه الغلا انراق
وبل ٍ به من أرياح الأزهار منشوق

كلّه لروحك يابعد كل من واق
ياشيخة المنشى ويآآآميرة الشوق

عن الكثير الي على القلب شبراق
فديت كلك يا بعد عنّك العوق

© 2024 - موقع الشعر